Tfittxija avvanzata

Ir-rapport tal-EEA L-ambjent Ewropew — l-istat u l-prospetti 2020 għandu rwol ewlieni biex jappoġġa l-ispinta mġedda tal-Ewropa għas-sostenibbiltà Aktar kmieni dan ix-xahar, l-Aġenzija Ewropea għall-Ambjent ippubblikat ir-rapport tagħha “L-ambjent Ewropew — l-istat u l-prospetti 2020 (SOER 2020)”. Dan ir-rapport ikkonkluda li l-Ewropa mhijiex ser tilħaq il-miri tagħha għall-2030 mingħajr ma tieħu azzjoni urġenti matul l-10 snin li ġejjin biex tindirizza r-rata allarmanti ta’ telf tal-bijodiversità, iż-żieda fl-impatti tat-tibdil fil-klima u l-konsum eċċessiv tar-riżorsi naturali. Dan offra wkoll xi soluzzjonijiet ewlenin, li għandhom jgħinu biex l-Ewropa titpoġġa lura fit-triq it-tajba biex tkun tista’ tilħaq dawk il-miri. Aħna poġġejna bil-qiegħda ma’ Tobias Lung, l-espert tal-EEA fil-koordinazzjoni u l-valutazzjoni ta’ SOER, biex niddiskutu r-rwol ta’ SOER 2020.

Wasal iż-żmien li naġixxu favur il-klima, in-natura u n-nies Is-sena 2019 se tibqa’ mfakkra bħala l-punt ta’ żvolta ġdida fir-rigward tal-azzjoni dwar il-klima u l-ambjent fl-Ewropa. Miljuni ta’ Ewropej u nies oħrajn fid-dinja kollha ilhom jipparteċipaw f’dimostrazzjonijiet u jħeġġu lil dawk li jfasslu l-politika biex jieħdu azzjoni. Valutazzjonijiet xjentifiċi bbażati fuq l-evidenza, inkluż ir-rapport dwar l-istat tal-ambjent tal-Aġenzija Ewropea għall-Ambjent (SOER 2020), enfasizzaw il-kobor tal-isfidi li għandna quddiemna u l-ħtieġa urġenti li tittieħed azzjoni. Dawn is-sejħiet issa qed jinbidlu fi pjan direzzjonali ta’ politika. Il-Patt Ekoloġiku Ewropew ippreżentat mill-Kummissjoni Ewropea huwa bidu promettenti għall-għaxar snin kritiċi li ġejjin.

L-istat tal-ambjent tal-Ewropa 2020: hija meħtieġa b’mod urġenti bidla fid-direzzjoni biex jiġu ffaċċjati l-isfidi tat-tibdil fil-klima, titreġġa' lura d-degradazzjoni u tiġi żgurata l-prosperità futura L-Ewropa mhux se tilħaq l-għanijiet tagħha għall-2030 mingħajr azzjoni urġenti matul l-10 snin li ġejjin biex tiġi indirizzata r-rata allarmanti ta’ telfien tal-bijodiversità, iż-żieda fl-impatti tat-tibdil fil-klima u l-konsum eċċessiv ta' riżorsi naturali. L-aħħar rapport “State of the Environment” (L-Istat tal-Ambjent) tal-Aġenzija Ewropea għall-Ambjent (EEA) ippubblikat illum jiddikjara li l-Ewropa qed tħabbat wiċċha ma' sfidi ambjentali ta’ skala u urġenza bla preċedent. Madankollu, ir-rapport jgħid li hemm raġuni għal tama, fost sensibilizzazzjoni pubblika akbar dwar il-ħtieġa li jkun hemm bidla lejn futur sostenibbli, innovazzjonijiet teknoloġiċi, inizjattivi komunitarji li qed jikbru u azzjoni akbar tal-UE bħall-Patt Ekoloġiku Ewropew.

L-ambjent Ewropew L-istat u l-prospetti 2020 Sommarju eżekuttiv Sommarju eżekuttiv

Il-Ħamrija u l-Għanijiet ta' Żvilupp Sostenibbli tan-Nazzjonijiet Uniti Ħafna oqfsa ta’ politika globali, inklużi l-Għanijiet ta’ Żvilupp Sostenibbli (SDGs) tan-Nazzjonijiet Uniti, jindirizzaw direttament u indirettament l-art u l-ħamrija. Ħafna minn dawn l-SDGs ma jistgħux jinkisbu mingħajr ħamrija b’saħħitha u użu sostenibbli tal-art. Hawn taħt għandek issib ħarsa ġenerali lejn l-SDGs b’rabtiet b’saħħithom mal-ħamrija.

Signals - Kull nifs li nieħdu L-Aġenzija Ewropea għall-Ambjent (AEA) tippubblika Signals kull sena, u tipprovdi ħarsa qasira lejn kwistjonijiet ta’ interess għad-dibattitu ambjentali u għall-pubbliku inġenerali. Signals 2013 tiffoka fuq l-arja fl-Ewropa. L-edizzjoni ta’ din is-sena tipprova tispjega l-istat preżenti tal-kwalità tal-arja fl-Ewropa, kif jiġu ffurmati s-sustanzi li jniġġsu l-arja, minn fejn jiġu, u kif jeffettwaw lil saħħitna u l-ambjent. Tagħti wkoll ħarsa ġenerali lejn il-mod li bih nibnu l-għarfien tagħna dwar l-arja, u kif nittrattaw it-tniġġis tal-arja permezz ta’ firxa wiesgħa ta’ politiki u miżuri.

Signals 2019

Iċ-ċiklu tan-nutrijenti tan-natura Il-ħamrija għandha rwol kruċjali fiċ-ċikli tan-natura, inkluż iċ-ċiklu tan-nutrijenti, li jinvolvi l-ammont ta' materjal organiku tal-ħamrija - jiġifieri l-karbonju, in-nitroġenu u l-fosforu - li jittieħed u jinħażen fil-ħamrija. Il-komposti organiċi, bħal weraq u ponot tal-għeruq, huma maqsuma għal komposti aktar sempliċi minn organiżmi li jgħixu fil-ħamrija qabel ma jkunu jistgħu jintużaw mill-pjanti. Xi batterji tal-ħamrija jikkonvertu n-nitroġenu atmosferiku f’nitroġenu minerali, li huwa essenzjali għat-tkabbir tal-pjanti. Il-fertilizzanti jintroduċu n-nitroġenu u l-fosfati biex jistimolaw it-tkabbir tal-pjanti iżda mhux l-ammonti kollha jittieħdu mill-pjanti. L-eċċess jista’ jidħol fix-xmajjar u fil-lagi u jaffettwa l-ħajja f’dawn l-ekosistemi tal-ilma.

Il-ħamrija, l-art u t-tibdil fil-klima Il-ħamrija fiha ammonti sinifikanti ta’ karbonju u nitroġenu, li jistgħu jiġu rilaxxati fl-atmosfera skont kif nużaw l-art. It-tneħħija jew it-tħawwil ta’ foresti, it-tidwib tal-permafrost jista’ jxaqleb il-bilanċ tal-emissjonijiet tal-gassijiet serra b’xi mod jew ieħor. It-tibdil fil-klima jista’ wkoll jibdel sostanzjalment dak li jistgħu jipproduċu l-bdiewa u fejn.

Lejn ġestjoni sostenibbli tal-art u l-ħamrija L-art u l-ħamrija tal-Ewropa qed iħabbtu wiċċhom ma’ għadd ta’ pressjonijiet, fosthom l-espansjoni urbana, il-kontaminazzjoni mill-agrikoltura u l-industrija, l-issiġillar tal-ħamrija, il-frammentazzjoni tal-pajsaġġ, id-diversità baxxa tal-għelejjel, l-erożjoni tal-ħamrija u avvenimenti estremi tat-temp marbuta mat-tibdil fil-klima. Bliet aktar ekoloġiċi b’sistemi ta’ enerġija u trasport aktar nodfa, infrastruttura ekoloġika li tgħaqqad iż-żoni ekoloġiċi, prattiki agrikoli sostenibbli inqas intensivi jistgħu jgħinu biex l-użu tal-art tal-Ewropa jsir aktar sostenibbli u l-ħamrija aktar b’saħħitha.

Il-qagħda attwali Il-kopertura tal-art tal-Ewropa baqgħet relattivament stabbli mill-2000, b’madwar 25 % koperta minn raba’ li tinħadem u minn għelejjel permanenti, 17 % mill-mergħat u 34 % mill-foresti. Fl-istess ħin, bliet u infrastrutturi konkreti qed ikomplu jespandu u l-erja totali użata għall-agrikoltura naqset. Għalkemm l-uċuħ artifiċjali jkopru inqas minn 5 % tat-territorju usa’ tal-EEA, żona mdaqqsa xorta waħda ġiet issiġillata (mgħottija bil-konkrit jew bl-asfalt) bejn l-2000 u l-2018. L-aħbar it-tajba hija li r-rata ta’ żieda f’żoni tal-wiċċ artifiċjali naqset f’dawn l-aħħar snin.

Informazzjoni grafika

Signals 2019

Nagħmlu s-sostenibbiltà realtà: politiki Ewropej ġodda joffru opportunità unika Ursula von der Leyen, President elett tal-Kummissjoni Ewropea, stabbilixxiet il-prijoritajiet politiċi tat-tim tagħha għall-ħames snin li ġejjin. Patt Ekoloġiku Ewropew, li jiddeskrivi azzjoni aktar ambizzjuża dwar il-kriżijiet tal-klima u tal-bijodiversità, jinsab fil-qalba tal-aġenda tagħha. Il-politiki Ewropej ilhom jindirizzaw id-degradazzjoni ambjentali u t-tibdil fil-klima b’xi ftit suċċess u b'xi nuqqasijiet. Bl-appoġġ ta’ sejħiet mill-pubbliku dejjem jikbru għal azzjoni, dan it-terminu ta’ politika ġdida — bil-Kummissjoni Ewropea u l-Parlament il-ġodda — jipprovdi opportunità unika biex tiżdied u titħaffef tranżizzjoni ekoloġika u ġusta għall-Ewropa.

L-adattament għat-tibdil fil-klima huwa essenzjali għall-futur tal-biedja fl-Ewropa Il-mewġ tas-sħana u l-avvenimenti estremi tat-temp tas-sajf li għadda kisru rekords ġodda tal-klima fl-Ewropa li għal darb’oħra jsaħħu l-importanza tal-adattament għat-tibdil fil-klima. Poġġejna flimkien ma’ Blaz Kurnik, espert dwar l-impatti u l-adattament għat-tibdil fil-klima fl-Aġenzija Ewropea għall-Ambjent (EEA) biex niddiskutu r-rapport il-ġdid tal-EEA li ħareġ aktar kmieni dan ix-xahar dwar kif it-tibdil fil-klima qed ikollu impatt fuq l-agrikoltura fl-Ewropa.

L-EEA tagħlaq 25 sena: tibni fuq l-esperjenza biex tikseb is-sostenibbiltà fl-Ewropa Kif se jkun l-ambjent fl-Ewropa fi żmien 25 sena? Se jirnexxilna niksbu l-viżjoni komuni tagħna li ‘ngħixu tajjeb, fil-limiti tal-pjaneta tagħna’? Se jirnexxilna nillimitaw it-tisħin globali u nibnu bliet reżiljenti għat-tibdil fil-klima mdawwra b’natura b’saħħitha? L-Ewropej qed jitħassbu dejjem aktar dwar dan, kif juru l-elezzjonijiet riċenti tal-Parlament Ewropew. Il-ġenerazzjoni li jmiss tal-Ewropa qed tappella wkoll għal azzjoni urġenti, iżda, it-talbiet tagħhom għal ġejjieni sostenibbli, kif se jifformaw l-politiki ambjentali u soċjoekonomiċi tal-Ewropa? Fil-25 anniversarju tagħna, qed nirriflettu dwar kif il-politika u l-għarfien ambjentali tal-Ewropa żviluppaw f’dawn l-aħħar 25 sena u kif aħna, l-EEA, flimkien man-netwerks tagħha, nistgħu nappoġġaw l-isforzi lejn is-sostenibbiltà fil-25 sena li jmiss.

Il-prevenzjoni hija kruċjali biex tiġi indirizzata l-kriżi tal-iskart tal-plastik L-iskart tal-plastik jibqa’ problema enormi li qiegħda dejjem tikber . X’inhi tagħmel l-Unjoni Ewropea biex tindirizza din il-problema? Ioannis Bakas, l-espert tal-EEA dwar il-prevenzjoni tal-iskart, jagħti ħarsa ġenerali qasira lejn ir-rapport tal-EEA dwar il-prevenzjoni tal-iskart tal-plastik fl-Ewropa, li ġie ppubblikat aktar kmieni dan ix-xahar.

Aktar minn 85 % tas-siti tal-għawm fl-Ewropa huma meqjusa li għandhom kwalità tal-ilma eċċellenti Skont l-aħħar rapport annwali Ewropew dwar il-kwalità tal-ilma għall-għawm, is-sena loħra, b'rabta mal-indafa tal-ilma ftit aktar minn 85 % tas-siti tal-għawm immonitorjati fl- Ewropa laħqu l-ogħla standards tal-kwalità tal-Unjoni Ewropea li huma wkoll l-aktar stretti, jiġifieri “eċċellenti”. Ir-riżultati ppubblikati llum jagħtu indikazzjoni tajba ta' fejn dan is-sajf wieħed jista' jsib l-aħjar ilmijiet għall-għawm.

Il-perikli ambjentali kif jaffettwaw lill-gruppi vulnerabbli fl-Ewropa? Hemm bżonn tittieħed azzjoni mmirata sabiex tipproteġi aħjar l-aktar popolazzjonijiet vulnerabbli tal-Ewropa, inkluż il-foqra, l-anzjani u t-tfal, minn perikli ambjentali bħat-tniġġis tal-arja u tniġġis akustiku u temperaturi estremi. Aleksandra Kazmierczak, esperta tal-adattament għat-tibdil fil-klima tal-Aġenzija Ewropea għall-Ambjent (EEA), tispjega s-sejbiet ewlenin ta’ rapport ġdid tal-EEA li jevalwa r-rabtiet bejn l-inugwaljanzi soċjali u demografiċi u l-esponiment għat-tniġġis tal-arja, tniġġis akustiku u temperaturi estremi.

Ambjent b’saħħtu huwa meħtieġ għal ekonomija sostenibbli u soċjetà ekwa Il-pjaneta tagħna qiegħda tiffaċċja sfidi bla preċedent għall-ambjent u l-klima tagħha, li flimkien qegħdin jheddu l-benesseri tagħna. Madankollu, mhuwiex tard wisq biex tittieħed azzjoni deċiżiva. Dan il-kompitu jista’ jidher pjuttost diffiċli imma għad għandna l-possibbiltà li nreġġgħu lura wħud mit-tendenzi negattivi, nadattaw biex innaqqsu l-ħsara, nirrestawraw ekosistemi kruċjali u nsaħħu il-ħarsien ta’ dak li għad għandna. Biex tinkiseb sostenibbiltà fit-tul, irridu nħarsu lejn l-ambjent, il-klima, l-ekonomija u s-soċjetà bħala partijiet inseparabbli tal-istess entità.

Try our suggestions

Tfittxija avvanzata