næsta
fyrri
atriði

News

REDISCOVER Nature í ljósmyndasamkeppni EEA í ár

Breyta tungumáli
News Útgefið 17 Jun 2020 Síðast breytt 26 Jun 2020
2 min read
Photo: © William Richardson, NATURE@work /EEA
Það skiptir ekki máli hvar við erum, við getum öll notið þess sem náttúran hefur upp á að bjóða og nú jafnvel meira en áður. Ljósmyndasamkeppni Umhverfisstofnunar Evrópu (EEA) í ár „REDISCOVER Nature“, sem hefst í dag, gefur þér kost á að mynda og deila sambandi þínu við náttúruna og umhverfið í kring um þig.

REDISCOVER Nature er ákall til okkar allra um að horfa í kring um okkur og uppgötva náttúruna og öll undur hennar. Hvort sem þú kynnist nærumhverfi þínu á ný í fjallgöngu á heimaslóðum þínum eða á bakgarðinum heima hjá þér - skaltu svala forvitni þinni og taka þér tíma til að skoða hluta í náttúrunni sem þú hefur ekki tekið eftir áður.

EEA heldur ljósmyndasamkeppni á hverju ári til að auka vitund um umhverfisefni. Til að taka þátt þarftu bara að senda okkur bestu ljósmyndirnar þínar fyrir 30. september 2020 í einhverjum af þessum þremur flokkum:

1. Nærmyndir af náttúrunni

Þysjaðu inn og finndu náttúrufegurðina í minnstu smáatriðum, hvort sem það er flókin líffræðileg formgerð blóms í vexti eða jarðvegsgerð eða hamur á skriðdýri. Náttúran hvetur þig til að horfa þér nær og skoða hinn síbreytilega örheim. Sérðu þessi undursömu form, línur, mynstur, áferð og liti?

2. Náttúran á dyraþrepinu mínu

Þú þarft ekki endilega að ganga á fjöll eða fara í útilegu á afskekktum svæðum til að skoða náttúruna. Það er nóg að fara út um bakdyrnar og horfa á náttúruna koma í ljós fyrir framan þig. Fuglaskoðun í næsta lystigarði og yfirtaka náttúrunnar á mannvirkjum í borgum, náttúruundur má finna alls staðar. Horfðu í kring um þig... tekst þér að mynda návist náttúrunnar í kring um þig?

3. Þysjaðu út fyrir náttúruna

Taktu skref aftur á njóttu náttúrunnar í landslaginu í kring um þig. Horfðu á öldurnar berja hrjóstruga strönd, fjarlæg þorp á víð og dreif um sveitir, dádýr á reiki í skóginum eða vinnandi fólk á ökrunum. Kannski ættir þú að halda upp á við og horfa á heiminn að ofan. Nærðu mynd af endalausu landslagi heimsins, hvort sem það er ósnert eða mótað af mannanna störfum?

Upplýsingar um keppnina

Keppnin er opin borgurum frá 27 aðildarríkjum Evrópusambandsins, Íslandi, Liechtenstein, Noregi, Sviss, Tyrklandi, Norður-Makedóníu, Albaníu, Kósóvó, Svartfjallalandi, Serbíu, Bosníu og Hersegóvínu og Bretlandi. Allir þátttakendur verða að vera 18 ára eða eldri. Frekari upplýsingar um reglur keppninnar og þátttöku á síðu „REDISCOVER Nature“ keppninnar.

Vinningshafar í keppniflokkunum þremur hljóta peningaverðlaun upp á 1.000 evrur. EEA mun einnig veita sérstök æskulýðsverðlaun fyrir bestu myndina frá ungum einstaklingi. Verðlaun fólksins verða valin úr myndunum, sem komast í úrslit, með netkosningu.

EEA mun tilkynna um sigurvegara í nóvember 2020.

 

*This designation is without prejudice to positions on status, and is in line with UNSCR 1244 and the ICJ Opinion on the Kosovo Declaration of Independence.

Permalinks

Geographic coverage

Temporal coverage

Tags

Skjalaaðgerðir