News
REDISCOVER Nature għall-kompetizzjoni tal-fotografija tal-EEA ta’ din is-sena
- Bulgarian (bg)
- Czech (cs)
- Danish (da)
- German (de)
- Greek (el)
- English (en)
- Spanish (es)
- Estonian (et)
- Finnish (fi)
- French (fr)
- Croatian (hr)
- Hungarian (hu)
- Icelandic (is)
- Italian (it)
- Lithuanian (lt)
- Latvian (lv)
- Maltese (mt)
- Dutch (nl)
- Norwegian (no)
- Polish (pl)
- Portuguese (pt)
- Romanian (ro)
- Slovak (sk)
- Slovenian (sl)
- Swedish (sv)
- Turkish (tr)
REDISCOVER Nature hija sejħa għalina lkoll biex inħarsu madwarna u nħallu lilna nfusna nistagħġbu bin-natura u l-meravilji tagħha. Irrispettivament minn jekk intix tiskopri mill-ġdid l-ambjent ta’ madwarna waqt mixja twila f’mogħdija lokali jew fil-ġnien ta’ wara darek — kun kurjuż u ħu l-ħin tiegħek biex tosserva partijiet min-natura li ma nnutajtx qabel.
L-EEA torganizza kompetizzjoni tal-fotografija kull sena biex tqajjem sensibilizzazzjoni dwar tema ambjentali. Biex tipparteċipa, sempliċement ibgħatilna l-aqwa ritratti tiegħek sat-30 ta’ Settembru 2020 li jkunu jagħmlu parti minn waħda minn dawn it-tliet kategoriji:
1. Ritratti mill-viċin tan-natura
Iżżumja ’l ġewwa u sib is-sbuħija tan-natura fid-dettalji l-aktar ċkejkna, mill-istruttura bijoloġika kumplessa ta’ fjura emerġenti għall-kompożizzjoni tal-ħamrija jew id-dettalji tal-ġilda ta’ rettili. In-natura qed issejjaħlek biex tħares aktar mill-viċin u taċċessa l-mikrounivers li dejjem jinbidel. Tista’ tara l-forom, il-linji, id-disinni, is-sawra u l-kuluri maġiċi?
2. In-natura fuq l-għatba tiegħi
L-esplorazzjoni tan-natura mhux bilfors tfisser li wieħed imur f’mogħdija qalb il-muntanji jew jikkampja f’żoni remoti. Tista’ sempliċement toħroġ mill-bieb ta’ wara d-dar tiegħek u tara n-natura tieħu l-ħajja eżatt quddiemek. Mill-osservazzjoni tal-għasafar f’park fil-qrib għall-osservazzjoni tat-talba tan-natura għall-istrutturi urbani, il-meravilji tan-natura jinsabu kullimkien. Ħares madwarek… Tista’ taqbad il-preżenza tan-natura madwarek f’ritratt?
3. Iżżumja ’l barra fuq in-natura
Żomm pass lura u gawdi n-natura fil-pajsaġġi li jinsabu madwarek. Ħares lejn il-mewġ jolqot kosta ħarxa, l-irħula mbiegħda mifruxa tul il-kampanja, iċ-ċerva tiġġerra fil-foresta, jew il-persuni li jaħdmu fl-għelieqi. Forsi titla’ fil-għoli u tara l-pajsaġġ minn hemm fuq. Tista’ taqbad il-pajsaġġi bla tmiem tad-dinja, sew jekk intatti, sew jekk iffurmati mill-attivitajiet tal-bniedem f’ritratt?
Informazzjoni dwar il-kompetizzjoni
Il-kompetizzjoni hija miftuħa għaċ-ċittadini tas-27 Stat Membru tal-UE, l-Iżlanda, il-Liechtenstein, in-Norveġja, l-Iżvizzera, it-Turkija, il-Maċedonja ta’ Fuq, l-Albanija, il-Kosovo*, il-Montenegro, is-Serbja, il-Bosnja-Ħerzegovina, u r-Renju Unit. Il-parteċipanti kollha għandu jkollhom 18-il sena jew aktar. Aqra aktar dwar ir-regoli tal-kompetizzjoni u kif tipparteċipa fil-paġna tal-kompetizzjoni ‘REDISCOVER Nature’.
Ir-rebbieħa fit-tliet kategoriji tal-kompetizzjoni se jirċievu premju fi flus ta’ EUR 1 000 kull wieħed. L-EEA se tagħti wkoll Premju Speċjali għaż-Żgħażagħ għall-aħjar ritratt mibgħut minn żagħżugħ/a. Premju ta’ Għażla Pubblika se jintgħażel fost il-finalisti kollha permezz ta’ votazzjoni online.
L-EEA se tħabbar ir-rebbieħa f’Novembru 2020.
* Din id-deżinjazzjoni hija mingħajr preġudizzju għall-pożizzjonijiet dwar l-istatus, u hija konformi mal-UNSCR 1244/99 u l-Opinjoni tal-QIĠ dwar id-Dikjarazzjoni taʼ Indipendenza tal-Kosovo.
Permalinks
- Permalink to this version
- e48ee25e61604fc0b9e7343738e8105c
- Permalink to latest version
- PQ6EWVT0FJ
Geographic coverage
Temporal coverage
For references, please go to https://www.eea.europa.eu/mt/highlights/rediscover-nature-ghall-kompetizzjoni-tal or scan the QR code.
PDF generated on 26 Sep 2020, 04:17 AM
Dokument ta’ Azzjonijiet
Ikkondividi ma’ oħrajn