It-tniġġis tal-istorbju ambjentali kif jaffettwa s-saħħa tiegħi?

It-tniġġis tal-istorbju ambjentali, u b’mod partikolari l-istorbju tat-traffiku fit-toroq, huwa ta’ tħassib dejjem akbar fl-Ewropa kollha. L-esponiment fit-tul għall-istorbju minn sorsi ambjentali bħat-trasport bit-triq, bil-ferrovija u bl-ajru jista’ jikkawża varjetà ta’ effetti fuq is-saħħa inkluż fastidju, disturb fl-irqad, effetti negattivi fuq is-sistema kardjovaskulari u metabolika, kif ukoll ħsara konjittiva fit-tfal. L-EEA tistma li l-istorbju ambjentali jikkontribwixxi għal 48 000 każ ġdid ta’ mard tal-qalb iskemiku fis-sena, kif ukoll 12 000 mewta prematura. Barra minn hekk, aħna nistmaw li 22 miljun persuna jbatu minn fastidju kroniku għoli u 6.5 miljun persuna jbatu minn disturbi kroniċi tal-irqad.

Għal aktar informazzjoni, jekk jogħġbok ikkonsulta l-aħħar rapport tagħna dwar L-istorbju ambjentali fl-Ewropa — 2020, żur Is-servizz ta’ osservazzjoni u informazzjoni dwar l-istorbju fl-Ewropa jew ikkonsulta l-iskedi informattivi dwar l-istorbju tal-pajjiżi tagħna.