Umhverfisstofnun Evrópu
Hvað er nýtt
Filtered by
Evrópa mun ekki ná þeim markmiðum sem hafa verið sett fyrir 2030 án áríðandi aðgerða á næstu 10 árum til þess að takast á við hinn ógnvænlega hraða rýrnunar líffræðilegs fjölbreytileika, aukinna áhrifa loftslagsbreytinga og ofnotkunar á náttúruauðlindum. Í nýjustu skýrslu Umhverfisstofnunar Evrópu (EEA) um ‘Ástand umhverfisins’ sem gefin var út í dag er greint frá því að Evrópa stendur frammi fyrir áskorunum í umhverfismálum sem eru fordæmalausar að umfangi og nauðsyn. Í skýrslunni segir, samt sem áður, að vonir séu bundnar við vaxandi vitund almennings um þörfá því að skipta yfir í sjálfbæra framtíð, tæknilega nýsköpun, vaxandi frumkvæði sveitarfélaga og auknar aðgerðir ESB, sem dæmi grænt samkomulag í Evrópu.
Margir alþjóðlegir stefnurammar, að „Markmiði Sameinuðu þjóðanna um sjálfbæra þróun“ meðtöldum, takast á viðlandnýtingu og jarðveg með beinum og óbeinum hætti. Mörg af þessum markmiðum um sjálfbæra þróun treysta áheilbrigðan jarðveg og sjálfbæra landnýtingu. Að neðan er yfirlit yfir markmið um sjálfbæra þróun með sterkatengingu við jarðveg.
Hitabylgjur og öfgar í veðri síðasta sumar hafa enn og aftur slegið ný met í Evrópu og ýta undir mikilvægi aðlögunar að loftslagsbreytingum. Við settumst niður með Blaz Kurnik, sérfræðingi í áhrifum loftslagsbreytinga og aðlögun að þeim hjá Umhverfisstofnun Evrópu (EEA) til að ræða nýja skýrslu EEA um hvernig loftslagsbreytingar hafa áhrif á landbúnað í Evrópu en skýrslan kom út fyrr í þessum mánuði.
Jarðvegurinn spilar grundvallarhlutverk í hringrás náttúrunnar, þar með talinni næringarefnahringrásinni, sem snýst um hversu mikið af lífrænum efnum jarðvegsins - þ.e. kolefni, köfnunarefni og fosfór - eru tekin upp eða geymd í jarðveginum. Lífræn efnasambönd svo sem laufblöð og rótarendar eru brotin niður í einfaldari efnasambönd af lífverum sem lifa í jarðveginum, áður en plöntur geta nýtt sér næringarefnin. Sumar bakteríur í jarðveginum breyta köfnunarefni í andrúmsloftinu í ólífrænt köfnunarefni sem er plöntuvexti nauðsynlegt. Áburðir bæta við köfnunarefni og fosfati til að stuðla að plöntuvexti en plönturnar nýta ekki allt magnið. Umframmagn áburðar getur komist í ár og vötn og haft áhrif á lífríkið í vatnsvistkerfum.
Ursula von der Leyen, nýkjörinn forseti framkvæmdastjórnar Evrópusambandsins, hefur sett fram pólitísk forgangsverkefni samstarfshóps hennar næstu fimm ár. Grænt samkomulag í Evrópu, þar sem útlistaðar eru metnaðarfyllri aðgerðir til að takast á við hættuástand sem snertir loftslag og líffræðilegan fjölbreytileika, er kjarninn í áætlun hennar. Evrópsk stefna hefur lengi tekist á við hnignun umhverfisins og loftslagsbreytingar þar sem sumt hefur tekist vel en annað ekki. Með vaxandi ákalli almennings um aðgerðir, býður þetta nýja stefnutímabil — með nýju framkvæmdaráði Evrópusambandsins og Evrópuþingi — upp á einstakt tækifæri til að hraða grænni og sanngjarnri breytingu í Evrópu.
Umfjöllun
Ursula von der Leyen, nýkjörinn forseti framkvæmdastjórnar Evrópusambandsins, hefur sett fram pólitísk forgangsverkefni samstarfshóps hennar næstu fimm ár. Grænt samkomulag í Evrópu, þar sem ...