Umhverfisstofnun Evrópu (EEA) býður þér að deila skoðunum þínum um úrgang í Evrópu í nýrri skapandi samkeppni, Waste•smART.

Komdu hugsunum þínum á framfæri fyrir 30. september 2013 með: ljósmynd, teiknimynd eða myndbandi. Sigurvegarar samkeppninnar fá reiðufé í verðlaun og allir þeir sem komast í úrslit eiga möguleika á því að fá kynningu á verkum sínum í gegnum EEA og samstarfsaðila stofnunarinnar í Evrópu.

Hvernig á að taka þátt?

1. Taktu eða búðu til mynd frá grunni (langhlið >2000px), stutt myndband (30-90 sekúndur) eða teiknimynd (einn rammi), láttu stuttan texta fylgja og haltu þig við leiðbeiningarnar í reglum samkeppninnar.
2. Sendu skrána á miðlunarsíðu á Netinu eins og Youtube, Vimeo, Flickr, Shutterfly, Snapfish eða Photobucket.
3. Fylltu út umsóknareyðublaðið á Netinu og settu þar hlekk á myndina þína eða myndbandið.

SENDU EFNIÐ ÞITT INN

Skilafrestur: 30. september 2013 kl. 12.00 (CET). Þátttaka er ókeypis.

Samkeppnin er opin öllum ríkisborgurum aðildarríkja EES og samstarfslandanna á vestanverðum Balkanskaga. Allir þátttakendur þurfa að vera 18 ára eða eldri.

Þú þarft að hafa fullan höfundarrétt á því efni sem þú sendir inn.   Með því að senda inn efni verður litið svo á að þú hafir samþykkt reglur samkeppninnar og skilmála hennar og skilyrði. Reglur samkeppninnar, skilmálar og skilyrði verða auglýst 1. júní 2013.

Vegna þess að við búumst við að fá mikið af efni á síðustu stundu ráðleggjum við þér að senda efnið þitt inn tímanlega fyrir skilafrestinn.

Ef þú hefur spurningar um samkeppnina sendu þá vinsamlegast tölvupóst á competitions@eea.europa.eu.

Frekari upplýsingar um úrgang í Evrópu

• Umhverfisstofnun Evrópu: Úrgangur og auðlindir sem máli skipta
• Framkvæmdastjórn Evrópusambandsins: Úrgangur
• Sameiginleg rannsóknarmiðstöð: Lífsferilshugsun
• Umhverfisgagnamiðstöð um úrgang
• Evrópsk málefnamiðstöð um sjálfbæra neyslu og framleiðslu

Upplýsingar um samkeppnina

Verlaun

Sigurvegari í hverjum flokki (ljósmynd, myndband, teiknimynd) fær 500 evrur í reiðufé í verðlaun.

Til viðbótar verða 500 evra Ungmennaverðlaun veitt þeirri vinningstillögu, sem valin er úr tillögum þátttakenda á aldrinum 18 til 24 ára (fæddir á almanaksárunum 1995-1989), í öllum samkeppnisflokkunum.

Allir þeir sem komast í úrslit komast áfram í Verðlaun fólksins (e. People’s Choice Award) og birtast jafnvel í stafrænu og prentuðu efni EEA og samstarfsaðila stofnunarinnar í Evrópu í framtíðinni.

Höfundarréttur þess efnis, sem sent er inn í samkeppnina, er hjá viðkomandi þátttakendum.  Hins vegar veitir sérhver þátttakandi EEA rétt til þess að nota innsent efni í efni stofnunarinnar um umhverfismál ef höfundarrétthafa er getið.

Valferlið

EEA mun skipa forvalsnefnd, sem samanstendur af sérfræðingum á sviði samskipta- og umhverfismála, sem velur að hámarki 10 þátttakendur í úrslit í öllum flokkunum þremur. Þeir verða svo sendir til utanaðkomandi dómnefndar.  Dómnefndin, sem samanstendur af sérfræðingum á sviði umhverfissamskiptamála alls staðar að úr Evrópu, mun velja sigurvegara í hverjum flokki.

Fyrir Verðlaun fólksins, verða ljósmyndasögurnar, sem forvaldsnefndin valdi í úrslit, opnar fyrir atkvæði almennings 15. október - 15. nóvember 2013.

Sigurvegarar verða látnir vita í tölvupósti.  Því er mjög mikilvægt að senda inn réttar upplýsingar. Tilkynnt verður um sigurvegarana í desember 2013.

Tímaáætlun

Tenglar

• Waste•smART – reglur samkeppninnar
• Waste•smART – skilmálar og skilyrði
• Waste•smART – sérstök friðhelgisyfirlýsing
• Þátttökueyðublað
• Kosning almennings - hefst 15. október 2013