li jmiss
preċedenti
punti
eea flag
Home
Topics
Analysis and data
Countries
Newsroom
About us

Tfittxija avvanzata

Biddel il-lingwa
Filtri Aktar Filtri anqas
Informazzjoni grafika
Signals 2018
It-tniġġis tal-arja għadu għoli wisq madwar l-Ewropa Minkejja titjib bil-mod, it-tniġġis tal-arja għadu jaqbeż il-limiti u l-linji gwida tal-Unjoni Ewropea u tal-Organizzazzjoni Dinjija tas-Saħħa, skont id-data aġġornata u l-informazzjoni ppubblikata mill-Aġenzija Ewropea għall-Ambjent (EEA). It-tniġġis tal-arja huwa ta’ periklu għas-saħħa tal-bniedem u għall-ambjent.
Merkurju: theddida persistenti għall-ambjent u għas-saħħa tal-bniedem Ħafna nies għadhom jassoċjaw il-merkurju mat-termometri u ħafna jafu wkoll li huwa tossiku. Minħabba t-tossiċità tiegħu, il-merkurju qed jinqata’ minn prodotti fl-Ewropa iżda ħafna minnu għadu jiċċirkola fl-arja, fl-ilma, fil-ħamrija u fl-ekosistemi. Il-merkurju għadu problema u x'qed isir dwaru? Aħna intervistajna lil Ian Marnane, espert tal-EEA dwar l-użu tar-riżorsi sostenibbli u l-industrija.
Fehim u azzjoni dwar il-kumplessità tat-tibdil fil-klima Waħda mill-akbar sfidi importanti ta’ żmienna hija dik tat-tibdil fil-klima. L-impatti tiegħu qiegħdin jinħassu madwar id-dinja, li effettivament jaffettwaw lin-nies, in-natura u l-ekonomija. Sabiex jittaffa t-tibdil fil-klima, għandna bżonn innaqqsu b’mod sinifikanti l-emissjonijiet globali ta’ gassijiet serra. Dan ifisser li biex nittraduċu dan l-għan ġenerali f’miżuri konkreti jirrikjedi fehim tas-sistema kumplessa li tgħaqqad emissjonijiet minn sorsi differenti mal-impatti nazzjonali u reġjonali, mal-governanza dinjija u mal-kobenefiċċji potenzjali. L-Aġenzija Ewropea għall-Ambjent qed tkompli taħdem bis-sħiħ sabiex tkompli ttejjeb l-għarfien meħtieġ għat-tfassil fil-konkret ta’ miżuri effettivi.
Ninvestu għas-sostenibbiltà Reċentement, il-Kummissjoni Ewropea adottat pakkett ta’ proposti legali biex tagħti spinta lill-finanzjament sostenibbli fl-Unjoni Ewropea (UE). Il-proposti tal-Kummissjoni jibnu fuq rakkomandazzjonijiet mill-Grupp ta’ Esperti ta’ Livell Għoli dwar il-Finanzjament Sostenibbli, kompost minn esperti mis-soċjetà ċivili, mis-settur tal-finanzi, mill-akkademja u mill-istituzzjonijiet Ewropej u internazzjonali. Aħna tkellimna mar-rappreżentant tal-Aġenzija Ewropea għall-Ambjent (EEA) fil-Grupp ta’ Esperti, Andreas Barkman, li jaħdem fuq konsulenza strateġika dwar it-tibdil fil-klima u kwistjonijiet ta’ enerġija.
It-tibdil ambjentali: l-għarfien huwa fundamentali biex jittaffew l-impatti fuq in-nies u fuq in-natura It-tfassil tal-politiki ambjentali mhuwiex kompitu faċli. Min-naħa, l-Ewropej iridu jgawdu l-benefiċċji li tipprovdi ekonomija li tiffunzjona tajjeb. Min-naħa l-oħra, hemm spejjeż tas-saħħa u ambjentali sinifikanti marbuta mal-għażliet tal-istil ta’ ħajja tagħna. Ftehim sistematiku dwar kif in-natura, l-ekonomija u s-saħħa tal-bniedem huma marbutin huwa essenzjali biex jiġu identifikati l-aqwa opzjonijiet ta’ politika disponibbli. L-Aġenzija Ewropea għall-Ambjent timmira li tappoġġja t-tfassil tal-politika billi tipprovdi preċiżament dan it-tip ta’ għarfien.
Bijodiversità - Ekosistemi Bijodiversità hija l-isem mogħti lill-varjetà ta’ ekosistemi (kapital naturali), speċi u ġeni fid-dinja jew f’ħabitat partikolari. Hija essenzjali għall-benesseri tal-bniedem, peress li tipprovdi servizzi li jsostnu l-ekonomija u s-soċjetajiet tagħna. Il-bijodiversità hija kruċjali wkoll għas-servizzi ta’ l-ekosistema — is-servizzi li tipprovdi n-natura — bħad-dakkir, ir-regolazzjoni tal-klima, il-protezzjoni mill-għargħar, il-fertilità tal-ħamrija u l-produzzjoni ta’ l-ikel, tal-fjuwil, tal-fibra u tal-mediċini.
Agrikoltura Bil-bdiewa jimmaniġġjaw kważi nofs l-art tal-UE, is-settur agrikolu huwa sors ewlieni ta' pressjoni fuq l-ambjent tal-Ewropa. Matul l-aħħar ħames deċennji, il-Politika Agrikulturali Komuni tal-Unjoni Ewropea (CAP) - li tieħu madwar nofs il-baġit tal-UE - inkoraġġiet lis-settur sabiex isir aktar u aktar intensiv, hekk kif saret il-globalizzazzjoni tal-ekonomija dinjija li qed tkompli tikber.
Aħbar tajba għat-turisti: kwalità eċċellenti tal-ilma fil-biċċa l-kbira tas-siti għall-għawm tal-Ewropa Minkejja tnaqqis żgħir fir-riżultati, 85% tas-siti għall-għawm madwar l-Ewropa mmonitorjati fl-2017 laħqu l-ogħla u l-aktar standards stretti ta’ kwalità “eċċellenti” għall-ilmijiet fil-biċċa l-kbira tagħhom ħielsa minn sustanzi li jniġġsu, skont l-aħħar rapport annwali Ewropew dwar il-kwalità tal-ilma għall-għawm ippubblikat illum. Ir-riżultati jagħtu indikazzjoni tajba ta’ fejn it-turisti jistgħu jsibu l-aħjar ilma għall-għawm ta’ kwalità dan is-sajf.
Kompetizzjoni tal-fotografija: Ibgħatilna l-aħjar ritratti tiegħek tal-ilma X’jiġi f’moħħok meta taħseb fl-ilma? Tista’ taqbad dan il-ħsieb f’ritratt? L-Aġenzija Ewropea għall-Ambjent (EEA) tistiednek tibgħat ir-ritratti l-aktar kreattivi tiegħek lil WaterPIX, kompetizzjoni tal-fotografija dwar l-ilma. L-aħjar ritratti se jirċievu premju fi flus.
Lenti fuq l-emissjonijiet mill-avjazzjoni u mit-trasport marittimu L-Aġenzija Ewropea għall-Ambjent (EEA) reċentement ippubblikat ir-rapport annwali tagħha dwar il-Mekkaniżmu ta’ Rappurtar dwar it-Trasport u l-Ambjent (TERM) li, din is-sena, iffoka fuq l-avjazzjoni u t-trasport marittimu. Dawn iż-żewġ setturi qed jikbru b’pass mgħaġġel, xi ħaġa li qed tħalli wkoll impatt fuq l-ambjent, b'mod partikolari l-emissjonijiet. Staqsejna lil Anke Lükewille, esperta tal-EEA dwar it-tniġġis tal-arja, sabiex tispjega l-punti ewlenin tar-rapport TERM ta’ din is-sena.
L-ambjent tal-Ewropa: is-saħħa tad-data u l-għarfien L-Ewropa qiegħda tiġbor dejjem aktar data, b'hekk jittejjeb il-fehim tagħna tal-ambjent. Id-data tal-osservazzjoni tad-dinja miksuba permezz tal-programm Copernicus tal-Unjoni Ewropea tippreżenta sfidi u opportunitajiet ġodda biex intejbu l-għarfien ambjentali tagħna. Billi tikkombina d-data aġġornata ta' Copernicus mal-bażi ta' għarfien eżistenti tagħna, l-Aġenzija Ewropea għall-Ambjent (EEA) għandha l-għan li tagħti s-setgħa lil dawk li jfasslu l-politika u liċ-ċittadini fl-Ewropa kollha biex jieħdu miżuri sabiex jiġu indirizzati sfidi lokali, nazzjonali u globali.
Privacy policy
Disclaimer
Dwarna L-Aġenzija Ewropea għall-Ambjent (EEA) hija aġenzija ta’ l-Unjoni Ewropea, li għandha l-kompitu li tipprovdi informazzjoni tajba u indipendenti dwar l-ambjent. L-EEA għandha l-għan li tappoġġa l-iżvilupp sostenibbli billi tgħin biex jinkiseb titjib sinifikanti u li jista’ jitkejjel fl-ambjent ta’ l-Ewropa, permezz ta’ l-għoti ta’ informazzjoni fʼwaqtha, immirata, rilevanti u affidabbli lill-aġenti li jfasslu l-politika u lill-pubbliku.
Kompetizzjoni għal vidjo: Ikkondividi l-azzjonijiet ekoloġiċi tiegħek Kif ġejt ix-xogħol jew l-iskola llum? Bil-karozza, bir-rota jew bit-trasport pubbliku? Kuljum aħna nieħdu deċiżjonijiet li jista’ jkollhom impatt fuq l-ambjent. Xi wħud mid-deċiżjonijiet tagħna ta’ kuljum huma sforzi konxji għal għixien f’ambjent iktar nadif u iktar favorevoli għas-saħħa. Il-kompetizzjoni għal vidjo ‘I LIVE GREEN’, organizzata mill-Aġenzija Ewropea għall-Ambjent (EEA) u n-netwerk sieħeb tagħha, tistieden lill-Ewropej kollha sabiex juru l-kreattività tagħhom u jikkondividu l-azzjonijiet tagħhom biex jgħinu lill-ambjent. L-aħjar vidjos ser jirċievu premju fi flus.
Indiċi Ewropew tal-Kwalità tal-Arja: informazzjoni attwali dwar il-kwalità tal-arja disponibbli faċilment Indiċi Ewropew ġdid tal-Kwalità tal-Arja, li tnieda llum mill-Aġenzija Ewropea għall-Ambjent (EEA) u l-Kummissjoni Ewropea, jippermetti lill-utenti jiċċekkjaw il-kwalità tal-arja attwali fil-bliet u fir-reġjuni tal-Ewropa. L-Indiċi huwa akkumpanjat minn skedi informattivi ġodda tal-pajjiżi li jipprovdu informazzjoni aġġornata dwar il-kwalità tal-arja għall-pajjiżi membri tal-EEA.
It-titjib tal-kwalità tal-arja fil-bliet Ewropej ser iwassal għal benefiċċji kbar tas-saħħa Il-parti l-kbira tan-nies li jgħixu fi bliet Ewropej huma esposti għal kwalità ħażina tal-arja. L-aħħar stimi mill-Aġenzija Ewropea għall-Ambjent (EEA), li ħarġu llum, juru li l-materja partikolata fina tkompli tikkawża l-mewt prematura ta' aktar minn 400 000 Ewropew fis-sena. It-trasport bit-triq, l-agrikoltura, l-impjanti tal-enerġija, l-industrija u l-unitajiet domestiċi huma l-akbar emittenti ta' sustanzi li jniġġsu l-arja fl-Ewropa.
Lejn ibħra b'saħħithom u produttivi fl-Ewropa u lil hinn minnha Il-ħajja fil-baħar, il-klima globali u l-ekonomija u l-benesseri soċjali tagħna kollha jiddependu minn ibħra b'saħħithom. Minkejja ċertu titjib, il-valutazzjonijiet tagħna juru li l-mod kif attwalment qegħdin nużaw l-ibħra Ewropej għadu insostenibbli. It-tibdil fil-klima u l-kompetizzjoni għar-riżorsi naturali jżidu aktar pressjoni fuq l-ambjent tal-baħar. Il-politiki u l-miżuri Ewropej jistgħu jirriżultaw f'aktar titjib meta jkunu implimentati permezz ta' approċċ ta' "ġestjoni bbażata fuq l-ekosistema" u jkunu appoġġjati minn qafas ta' governanza globali tal-oċeani.

Permalinks

For references, please go to https://www.eea.europa.eu/mt/help/advanced-search or scan the QR code.

PDF generated on 07 Jun 2023, 02:35 PM

EEA Page URL QR
Dokument ta’ Azzjonijiet
The EEA is an agency of the European Union

Engineered by: Tim tal-Web tal-EEA

Software updated on 12 March 2023 21:56 from version 23.1.28

Software version: EEA Plone KGS 23.3.11

Kodiċi għall-iżviluppaturi

Systems Status

Avviż legali

Creative commons license

CMS Login