Ljósmyndasamkeppni: Sendu okkur bestu vatnamyndirnar þínar

Breyta tungumáli
News Útgefið 16 Apr 2018 Síðast breytt 13 Apr 2018
Hvaða mynd kemur upp í hugann þegar þú hugsar um vatn? Geturðu fangað hana á ljósmynd? Umhverfisstofnun Evrópu (EEA) býður þér að senda bestu myndirnar þínar til WaterPIX, sem er ljósmyndasamkeppni um vatn. Peningaverðlaun verða veitt fyrir bestu ljósmyndirnar.

 Image © Andrzej Bochenski, Picture2050 /EEA

Vatn er alls staðar — frá smæstu frumum líkamans yfir í gríðarstór höf — fólk, dýr og plöntur reiða sig á vatn. WaterPIX ljósmyndasamkeppni Umhverfisstofnunar Evrópu vill beina athyglinni að vatni sem lífsnauðsynlegri auðlind fyrir allt líf á jörðinni.

Þú getur tekið mynd af vatni, notkun þess, og hvaða þýðingu það hefur fyrir lífið á margan mismunandi hátt. Virkjaðu sköpunargáfu þína og sendu okkur bestu ljósmyndina þína fyrir 15. ágúst 2018. Þú getur sent inn ljósmyndir í þremur keppnisflokkum:

1.       Vatn og við

Við drekkum það, böðum okkur í því og eldum með því. Flóð eða þurrkar geta haft áhrif á heilar borgir. Hvaða þýðingu hefur vatn fyrir þig?

2.       Vatn og náttúra

Ár, vötn og höf halda ekki bara uppi lífi á landi heldur eru þau líka heimili margra dýra og plantna. Höf gegna lykilhlutverki við að tryggja stöðugt loftslag fyrir plánetuna. Geturðu fangað sýnilegan og ósýnilegan ávinning vatns? Er hreint vatn í hættu?

3.       Vatn og hagkerfið

Vatn er nauðsynlegt fyrir framleiðslu á mat, rafmagni og mörgum vörum. Ár og höf eru stórar flutningaleiðir, sem tengja saman lönd og menningarheima. Hvaða merkingu hefur vatn fyrir hagkerfi okkar? Hvaða áhrif hefur hagkerfið svo á vatn?

 

Vinningshafar í hverjum keppniflokki fá peningaverðlaun upp á 1.000 evrur. EEA mun líka gefa sérstök ungmennaverðlaun fyrir bestu myndina frá ungmenni á aldrinum 18-24 ára. Sérstök verðlaun verða veitt fyrir þá mynd sem vinnur opna netkosningu meðal allra ljósmynda í úrslitum.

Samkeppnin er opin borgurum aðildarríkja EEA og vestur-balkneskra samstarfslanda. Allir þátttakendur verða að vera 18 ára eða eldri. Lestu meira um reglur keppninnar og hvernig þú tekur þátt á samkeppnissíðu WaterPIX.

EEA mun tilkynna um alla sigurvegara í lok október 2018.

Temporal coverage

Skjalaaðgerðir
Filed under: , ,
Umhverfisstofnun Evrópu (EEA)
Kóngsins nýjatorgi 6
1050 Kaupmannahöfn K
Danmörku
Sími +45 3336 7100