Portráid d’aerasóil dhomhanda

Foinse ábhar cáithníneach is ea cáitheadh farraige agus is féidir leis suas go 80% de leibhéil cháithníneacha a chur leis an aer i gceantair chósta áirithe. Tá sé cuimsithe de shalainn den chuid is mó a lasctar isteach san aer ag gaotha láidre.

D’fhéadfadh go mbeadh sceitheadh sealadach d’ábhar cáithníneach aeriompartha san Eoraip de bharr brúchtaí bolcáin, mar shampla san Íoslainn nó sa Mheánmhuir.

Dóitear ar an meán beagnach 600 000 heicteár (2.5 uaire a bheag nó a mhór méid Lucsamburg) in aghaidh na bliana le dóiteáin foraoise agus talamh féaraigh agus is foinse shuntasach iad de thruailliú aeir. Creidtear gurb iad daoine go díreach nó go hindíreach is cúis le naoi as gach deich ndóiteán, mar shampla trí choirloscadh, toitíní caite ó dhaoine, tinte campa nó feirmeoirí ag dó fuílleach barr tar éis an fhómhair.

Ionsamhlú cáithníní atmaisféaracha agus a ngluaiseachtaí ag NASA

Ardaítear deannach (dearg) ón dromchla; suaitheann salainn farraige (gorm) laistigh de chuaranfaí; éiríonn deatach (glas) ó thinte; agus caitear amach cáithníní sulfair ó bholcáin agus ó astuithe breosla iontaise.

Rinne ionsamhlú GEOS-5 an portráid d’aerasóil dhomhanda seo ag taifeach 10 gciliméadar. Creidiúint íomhá: William Putman, NASA/Goddard; www.nasa.gov/multimedia/imagegallery/