Il-linji politiċi dwar it-trasport

Il-livell globali

• L-istandards ta' emissjonijiet għall-bastimenti u l-avjazzjoni huma ttrattati mill-organizzazzjonijiet rispettivi tal-Ġnus Magħquda (l-Organizzazzjoni Marittima Internazzjonali u l-Organizzazzjoni Internazzjonali tal-Avjazzjoni Ċivili) u mill-konvenzjonijiet internazzjonali dwar it-Tniġġis tal-Arja Transkonfinali fuq Medda Wiesgħa li tindirizza wkoll setturi oħra barra t-trasport.
• Il-Protokoll ta' Kjoto, li huwa parti mill-Konvenzjoni Qafas internazzjonali dwar il-Bidla fil-Klima, jirregola l-emissjonijiet b'effett ta' serra inklużi l-emissjonijiet mit-trasport (barra l-avjazzjoni internazzjonali u t-trasport marittimu).

Fil-livell tal-UE

• Id-dokument ta' gwida huwa l-politika komuni tal-UE dwar it-trasport (2001, irriveduta fl-2006). Din tistabbilixxi l-prijorità għal azzjoni dwar it-trasport, inklużi l-aspetti ambjentali.
• Barra dan, il-politiki u l-leġiżlazzjoni ambjentali jittrattaw mal-monitoraġġ, it-tnaqqis tal-emissjoni u t-titjib fil-kwalità tal-arja (eż. Id-Direttiva dwar l-Istorbju Ambjentali, id-Direttiva dwar il-Limitu ta' Emissjonijiet Nazzjonali, id-Direttiva dwar l-Arja aktar Nadifa għall-Ewropa, il-limiti tal-emissjonijiet għall-vetturi u l-kwalità tal-fjuwil).

Il-livelli nazzjonali, reġjonali u lokali

• Il-linji politiċi nazzjonali dwar it-trasport jindirizzaw parzjalment it-traspożizzjoni tal-linji politiċi tal-UE fil-leġiżlazzjoni nazzjonali u parzjalment l-iżvilupp tas-settur tat-trasport f'kull pajjiż.
• Il-livelli reġjonali u lokali għandhom rwol importanti fid-deċiżjonijiet prattiċi tal-użu tal-art li wkoll għandhom impatt importanti fuq id-domanda għat-trasport kif ukoll fuq l-għażla bjen il-mezzi ta' trasport iffaċċjati mill- utenti individwali. Jekk l-iżviluppi ta' djar ġodda ma jingħatawx aċċess għat-trasport pubbliku, in-nies ma jibqgħalomx għażla realistika.

Għal aktar informazzjoni: Id-Direttorat-Ġenerali għall-Enerġija u t-Trasport