All official European Union website addresses are in the europa.eu domain.
See all EU institutions and bodiesGħin lill-pjaneta tagħna, ipprintja din il-paġna biss jekk ikollok bżonnha. Anke azzjoni żgħira tista’ tagħmel differenza enormi meta jagħmluha miljuni ta’ persuni!
Il-pakkett ta' leġiżlazzjoni ambjentali tal-UE huwa rikonoxxut bħala wieħed mill-aktar b'saħħtu fid-dinja. Dan jaħdem - meta jiġi implimentat u infurzat b'mod sħiħ. Mingħajru, l-ambjent tagħna jidher differenti mhux ħażin. Aħna naddafna l-ilma u l-arja tagħna, ftit ftit neħħejna xi sustanzi ta' dannu għall-ożonu u rduppjajna r-rati tar-riċiklaġġ tal-iskart. Il-karozzi tagħna jniġġsu inqas; mingħajr l-iżviluppi li saru permezz tal-konvertituri katalitiċi matul l-20 sena li għaddew, xi emissjonijiet kienu jkunu għaxar darbiet aktar mil-livell li huma bħalissa.
Illum, l- Istrateġija tal-UE għall-Iżvilupp Sostenibbli tipprovdi l-qafas legali fit-tul li jkopri kollox, immirata lejn sinerġiji bejn l-għanijiet ekonomiċi, soċjali u ambjentali. It-Trattat tal-UE jitlob li l-ħarsien ambjentali jkun integrat fid-definizzjoni u fl-implimentazzjoni tal-linji politiċi kollha tal-Komunità, bħall-enerġija, l-agrikoltura u t-trasport. Din 'l-integrazzjoni ambjentali' tgħin sabiex tipprevjeni l-problemi mill-bidu minflok tuża soluzzjonijiet 'tal-aħħar minuta' biss.
L-UE qed taħdem fuq approċċ aktar integrat għat-tfassil tal-politika, iggwidata bil-prinċipji tal- valutazzjoni tal-impatt u r-regolamentazzjoni aħjar. Dan jinkludi wkoll ir-rakkomandazzjonijiet sabiex tittejjeb il-parteċipazzjoni tal-pubbliku fl-immaniġġjar tal-effetti li jħallu fuq xulxin ix-xjenza, t-teknoloġiji u s-soċjetà - prerekwiżiti għall-applikazzjoni tal-prinċipju prekawzjonali.
Strumenti bbażati fuq is-suq bħall-permessi negozjabbli ta' sustanzi li jniġġsu u t-taxxi ambjentali qed jitilgħu 'l fuq fl-aġenda tal-UE. Dawn għandhom l-għan li jġibu l-ispejjeż ambjentali u tas-saħħa tal-attivitajiet ekonomiċi fi prezzijiet tas-suq u sabiex ipoġġu prezz fuq l-użu tar-riżorsi naturali bħall-arja, l-ilma u l-ħamrija. Eżempji riċenti huma l-iskema tal-UE għan-negozjar tal-emmissjoni u t-tassazzjoni ambjentali armonizzata bħad-Direttiva dwar it-Tassazzjoni tal-Prodotti tal-Enerġija u d-Direttiva 'Eurovignette' għat-trasport tal-merkanzija. L-eliminazzjoni ta' sussidji li jagħmlu l-ħsara lill-ambjent hija wkoll prijorità. Il- Green Paper tal-2007 dwar strumenti bbażati fuq is-Suq għal skopijiet tal-ambjent u l-politika relatata, issaħħaħ l-idea ta' riforma fit-taxxa ambjentali, jiġifieri il-bidla minn tassazzjoni fuq ix-xogħol għal tassazzjoni ambjentali.
'Is-Soċjaliżmu naqas milli jgħid il-verità ekonomika. Il-Kapitaliżmu jista' jonqos milli jgħid il-verità ekoloġika' (Lester Brown, Fortune Brainstorm Conference, 2006).
For references, please go to https://www.eea.europa.eu/mt/themes/policy/about-policy-instruments or scan the QR code.
PDF generated on 29 Mar 2024, 12:34 AM
Engineered by: Tim tal-Web tal-EEA
Software updated on 26 September 2023 08:13 from version 23.8.18
Software version: EEA Plone KGS 23.9.14
Dokument ta’ Azzjonijiet
Ikkondividi ma’ oħrajn