Attivitajiet tal-EEA

Biddel il-lingwa

Din il-websajt għandha funzjonalità limitata bil-javascript mitfi. Jekk jogħġbok kun ċert li l-javascript huwa attivat fil-brawżer tiegħek.

Mibdul l-aħħar: Feb 23, 2012 02:54 PM

Il-valutazzjonijiet tal-EEA dwar l-iskart u r-riżorsi materjali għandhom l-għan li jappoġġjaw l-iżvilupp ta' politiki dwar il-konsum u l-produzzjoni sostenibbli, inkluż l-implimentazzjoni ta' strateġiji tematiċi dwar l-użu sostenibbli tar-riżorsi naturali u dwar il-prevenzjoni tal-iskart u r-riċiklaġġ. L-attivitajiet jinkludu l-monitoraġġ u l-iżvilupp tal-indikaturi, l-evalwazzjoni tal-effikaċja tal-politiki dwar l-iskart u r-riżorsi u l-identifikazzjoni tal-aħjar prattiċi.

Ix-xogħol tal-EEA dwar l-iskart u r-riżorsi materjali jinkludi:

valutazzjonijiet perjodiċi u rapporti dwar il-flussi ta' skart u materjal bħar-reviżjoni pan-Ewropea 'L-Ambjent fl-Ewropa - Ir-raba' valutazzjoni ';
deskrizzjonijiet reġjonali qosra dwar l-implimentazzjoni tal-konsum u l-produzzjoni sostenibbli, u dwar il-ġenerazzjoni tal-iskart u l-użu ta' riżorsi b'mod partikolari;
appoġġ għal prijoritajiet politiċi speċifiċi, inkluż użu u l-immaniġġjar sostenibbli tar-riżorsi naturali u s-separazzjoni tat-tkabbir ekonomiku mill- użu ta' riżorsi u l-iskart;
appoġġ lill-pajjiżi membri fir- rappurtaġġ tal-iskart (inkluż id-Direttiva dwar l-Iskart mill-Ippakkjar) u l-kontabilità tal-fluss ta' materjal;
studji dwar l-effikaċja tal-politika, eż. l-immaniġġjar tal-iskart mill-ippakkjar, is-sistema tat-trattament tal-ilma urban mormi, id-devjazzjoni tal-iskart mil-landfills, l-użu ta' strumenti ekonomiċi fl-immaniġġjar tar-riżorsi; ara wkoll L-istrumenti politiċi.
xogħol fuq it-trasport transkonfinali bil-baħar tal-iskart fl-Ewropa u l-effetti ambjentali tas-'soċjetà li tirriċikla';
studji dwar il-prospetti u x-xenarji futuri, bħal dwar l-iżvilupp tal-ġenerazzjoni tal-iskart u l-impatti ambjentali tagħha;
indikaturi dwar il-ġenerazzjoni tal-iskart muniċipali u l-ġenerazzjoni u r-riċiklaġġ ta' skart mill-ippakkjar;
karti bil-fatti tal-pajjiżi dwar l-immaniġġjar tal-iskart fl-Istati Membri tal-UE;
inventarju tal-kumpaniji tal-immaniġġjar tal-iskart, ċentri ta' għarfien u installazzjonijiet fl- Atlas Ewropew dwar it-Teknoloġija Ambjentali.

Il-grupp tal-EEA dawr il-konsum u l-produzzjoni sostenibbli jmexxi x-xogħol tal-EEA dwar l-iskart u r-riżorsi materjali. L-attivitajiet huma implimentati permezz ta' kooperazzjoni maċ-Ċentru Tematiku Ewropew tal-EEA dwar l-Immaniġġjar tar-Riżorsi u l-Iskart (ETC/SCP) u b'kollaborazzjoni man-netwerk tal-pajjiżi tal-EEA (Eionet). L-Eurostat qed tiġbor dejta dwar l-iskart, u mill-2008 hija se tospita ċ-ċentri ta' dejta ambjentali dwar ir-riżorsi, il-prodotti u l-iskart.