Il-Pajjiżi u l-Eionet

Il-pajjiżi membri u li jikkooperaw

It- 32 pajjiż membruu nbsp; jinkludu s-27 Stat Membru tal-Unjoni Ewropea flimkien mal-Iżlanda, Liechtenstein, in-Norveġja, l-Iżvizzera u t-Turkija.

Is-sitt pajjiżi fil-Punent tal-Balkani huma pajjiżi li jikkooperaw: l-Albanija, il-Bożnija u l-Ħerżegovina, il-Kroazja, l-Ex Repubblika Jugożlava tal-Maċedonja, il-Montenegro u s-Serbja. Dawn l-attivitajiet ta' kooperazzjoni huma integrati fl-Eionet u jappoġġjaw l-attivitajiet tal-Kummissjoni għall-Proċess ta' Stabilità u Assoċjazzjoni tal-pajjiżi fil-Punent tal-Balkani.

L-EEA taħdem ukoll b'mod estensiv f'kooperazzjoni internazzjonali  lil hinn mill-pajjiżi membri tagħha stess.

Ikklikkja fuq il-mappa sabiex tkabbar il-veduta

In-netwerk Ewropew tal-Informazzjoni u l-Osservazzjoni tal-Ambjent (Eionet).

In-netwerk Ewropew tal-Informazzjoni u l-Osservazzjoni tal-ambjent (Eionet) huwa netwerk ta' sħubija tal-EEA u l-pajjiżi membri tagħha u li jikkooperaw magħha. L-EEA hija responsabbli għall-iżvilupp tan-netwerk u l-koordinazzjoni tal-attivitajiet tiegħu. Sabiex jiġi mwettaq dan, l-EEA taħdem mill-qrib mal-Punti Fokali Nazzjonali (NFPs), li ħafna drabi huma l-aġenziji nazzjonali għall-ambjent jew il-ministeri għall-ambjent fil-pajjiżi membri.

L-NFPs huma responsabbli sabiex jikkoordinaw in-netwerks taċ-Ċentri Nazzjonali ta' Referenza (NRCs), li jiġbru flimkien madwar 900 espert minn aktar minn 300 istituzzjoni nazzjonali u korpi oħra li jittrattaw informazzjoni ambjentali.

Aparti l-NFPs u l-NRCs, l-Eionet preżentement tkopri ħames Ċentri Topiċi Ewropej (ETCs) fl-oqsma tal-ilma, l-arja u t-tibdil fil-klima, id-diversità bijoloġika, l-immaniġġjar tar-riżorsi u l-iskart, l-użu tal-ilma u tal-art, u l-informazzjoni dwar l-ispazju.

Aktar informazzjoni:

• Websajt tal-Eionet
• Lista tal-Punti Fokali Nazzjonali

Netwerks oħra

L-EEA tieħu sehem f'netwerks oħra fil-qasam ambjentali, per eżempju

• in-netwerk tal-kapijiet  tal-Aġenziji għall-Protezzjoni tal-Ambjent fl-Ewropa (in-Netwerk EPA)
• in-netwerk tal-Aġenziji tal-Komunità Ewropea ,
• il- Mekkaniżmu ta' Clearing House tal-Komunità Ewropea għall-Bijodiversità, u
• netwerks varji fil-qasam akkademiku, ir-riċerka u l-komunità xjentifika.