Xenarji u studji li jħarsu 'l quddiem - attivitajiet tal-EEA

Biddel il-lingwa

Din il-websajt għandha funzjonalità limitata bil-javascript mitfi. Jekk jogħġbok kun ċert li l-javascript huwa attivat fil-brawżer tiegħek.

Page Mibdul l-aħħar 07 May 2021

This page was archived on 24 Feb 2017 with reason: Other (No more updates will be done. Content about the environmental scenarios can now be found under the topic "Sustainability transitions")

L-EEA tevalwa prospetti b'terminu twil għall-ambjent tal-Ewropa u l-konsegwenzi ta' għażliet ta' politiki importanti bl-użu ta' approċċi metodoloġiċi varji. L-għanijiet huma li jiżdied il-valur fid-diskussjonijiet politiċi kurrenti, billi tiġi prodotta informazzjoni b'mod konsistenti b'perspettiva aktar wiesa' u b'terminu itwal, u biex tgħin fl-organizzazzjoni ta' sistemi ta' informazzjoni ambjentali Ewropej sabiex jiġbru fihom informazzjoni dwar xejriet futuri. L-EEA tikkontribwixxi wkoll għarfien u esperjenza għall-evalwazzjonijiet ibbażati fuq ix-xenarji fil-livell pan-Ewropew u globali, bħall-Valutazzjoni tal-Ekosistema fil-Millennju jew ix-xenarji GEO-4 tal-UNEP.

Xenarji ambjentali

Menu

Xenarji u studji li jħarsu 'l quddiem - attivitajiet tal-EEA

L-attivitajiet tax-xenarji tal-EEA jikkontribwixxu għall-perspettiva fit-tul tar-rapport Ewropew dwar 'l-istat tal-ambjent' li huwa ppubblikat kull ħames snin. Fl-2005, ir- rapport dwar l-ambjent Ewropew - l-Istat u l-prospetti u r-rapport kumplimentari dwar il-prospetti tal-ambjent Ewropew kienu ppubblikati u indirizzaw diversi tħassib ambjentali u l-forzi komuni li jmexxuhom b'mod integrat u ssottolinejaw il-prospetti għall-ambjent Ewropew sas-sena 2030 u lil hinn. Eżerċizzju simili għandu jiġi ppubblikat fl-2010.

Il-prospetti huma wkoll komponent ta' proċessi ta' evalwazzjoni regolari, eż. l-emissjonijiet ta' gass b'effett ta' serra u proċessi ta' rappurtaġġ tal-indikaturi tal-EEA. L-istudji tal-prospetti u l-indikaturi huma analizzati fuq bażi regolari. Ir- reviżjoni tal-mudelli kwantitattivi hija eżerċizzju frekwenti ieħor.

PRELUDE (Analiżi Ambjentali PRospettiva għall-Iżvilupp tal-Użu tal-Art fl-Ewropa) juża taħlita innovattiva ta' testi u mudelli mill-aktar avvanzati sabiex jiġu simulati ħames xenarji ambjentali kontrastanti futuri għall-Ewropa affettwata b'mudelli li jinbidlu tal-użu tal-art, il-bidla fil-klima, l-agrikultura u d-demografija. Qasam ġdid għall-valutazzjonijiet ibbażati fuq ix-xenarji huwa l-analiżi tas-servizzi tal-ekosistema.

L-EEA hija involuta wkoll fil-proċessi ta' xenarji fil-livell pan-Ewropew u internazzjonali. L-ambjent pan-Ewropew: iħares lejn futur inċert u jinvestiga l-forzi ewlenin u l-inċertezzi tal-bidliet ambjentali futuri għar-reġjun pan-Ewropew. L-EEA ikkontribwiet ukoll għar- rapport dwar Prospett tal-Ambjent Globali 4 tal-UNEP u għall- Evalwazzjoni tal-Ekosistema tal-Millennju.

L-EEA tgħin ukoll sabiex tinbena l-kapaċità għall-iżvilupp tax-xenarju fil-pajjiżi membri tagħha, b' workshops regolari ta' outreach u taħriġ.

Permalinks

Permalink to this version: 4eb77c9e66c28e1da5eb2dec873c263a
Permalink to latest version: ONTYCEXPGU

Geographic coverage

Austria Belgium Bulgaria Croatia Cyprus Czech Republic Denmark Estonia Finland France Germany Greece Hungary Iceland Ireland Italy Latvia Liechtenstein Lithuania Luxembourg Malta Netherlands Norway Poland Portugal Romania Slovakia Slovenia Spain Sweden Switzerland Turkey United Kingdom

For references, please go to https://www.eea.europa.eu/mt/themes/scenarios/scenarios-and-forward-studies-eea-activities or scan the QR code.

PDF generated on 17 Apr 2024, 01:04 AM